Quest'anno, dopo la splendida esperienza della prima edizione, ho dovuto dare forfait all'ultimo minuto per un problemino fisico
Ho trasormato la mia mattinata in "trail watcher" ed ho seguito gli amici del mio gruppo!
Ecco di seguito il mio racconto che, come tradizione per il nostro gruppo, scriviamo in dialetto!
Per chi mastica il dialetto VenetoTrevisanoMaserino:
Meteve pur comodi che, se quando corre i ricordi me resta sui troi, quando fae “trail watching” me ricorde anca e smorfie dei parent de quei che vien vedar che i corre!
Eccome qua a raccontar na domenega diversa dal soito, domenega 30 Settembre 2012, mai e poi mai pensave de passarla cussì!
Ae 5.30 el teefono me tira do dal let, le un mese giusto che no me sveie cussì bonora. è si, oggi le un mese giusto che son fermo, un mese tondo dall’ultima uscita in scarpebianche! Na coeazion veoce e i dubbi sull’abbigliamento me porta diretto ae 6.00. Monte in machina e via a tor su quei che sarà i me compagni de sta mattinata: me papà e me cugina Jessica.
Caricon par ben a machina e via, direzione grappa! Rivando in prossimità dea cesa de Semonzo, na fia de lucette se presenta su pal bosc……e vai, primo grop sul stomego e pensieri a destra e manca….par fortuna che i tornanti me impegna sua guida e me perde via! Dopo na vintina de tornanti rivon a Campo Croce, e dopo, ecco macchine parcheggiae e gente in piè…….porca miseria, ecco, podon vedarli qua intanto, qua dal primo ristoro, dove el 100 traversa a strada del grappa!
Parcheggie velocemente e se metton la co na diesina de persone, alcuni vestii montura, altri pi normai, una adirittura sentada in banda a strada co un tablet in man pronta a far foto! Ghi ne anca na teecamera de skysport!
Dopo un po’ de attesa immerso nei ricordi dea prima edizion, cercando de ricordarme invano el percorso, prove pensar a che passo avrà i primi, e me immagine come se presentarà i nostri. Ma l’agitazion dei me compagni de attesa me sveia e in lontananza vedon na lucetta che se avvicina sempre pi…..azz el primo vien su fa un missie, temp gnanca de dirlo che le già spario oltre el primo ristoro!
Bon dai, i e qua……inveze no, passa quasi 5 minuti 5 prima de vadar un gruppett de quattro co a sagoma inconfondibile de Fabio “Tarzan” Cavarzan! Prove incitrarlo, ma gnanca na smorfia e via, ndati anca questi, gruppett dove riconosse Salaris, el sardo che le rivà settimo pochi mesi fa alla Marathon Des Sables!
Nantra spicciolata de atleti passa uno par volta, ormai le ora dei nostri. Me immagine Robert e Nicola rivar insieme, ma invece le Rober, co passo facile, che se accalappia tutti i me incitamenti, le sui primi 7/8. Ghe confide a Jessica: questo le forte, no so cossa spetarme!
Bon dai, Nicola rivarà a ruota, si dai che le qua, des el riva……ma passa ben do minuti boni prima de vedarlo, coa so barba par l’occasione e coa baretta che par che l’apie da sciopar da un momento a chealtro…..”dai Nicola dai che sei messo bene” e lu cossa faeo? El se cava un bastoncino, el fa un metro verso de mi e el me slonga un cinque…..regaeandome el secondo grop dea matina e me vien in ment a so frase “Testa bassa e bareta fracà!”
Des speton Lorenzo, si che ghesarà lu, deve essar lu…..ma ecco i riz che spunta sora a fassetta, le CarloZeroAllenamentiColla! El me stupore le tant che me esce de bocca senza voerlo un “grande Carlo”, ma subito me incorde che ghi ne anca Lorenz, e pena dadrio Bettiope incalza…….e sorpresa dee sorprese….i do compari Danese e Honduregno a ruota che sembra controearse!
Me sorge na domanda, i sarà mia drio ndar tutti insieme in simpatia, co calma, senza pensar al scannatoio intrinseco che ce contraddistingue? Ma pensando a quanti ierapassà prima de lori i dubbi se trasforma in consapevolezza de aver un gran gruppo! Cazzo podarie essarghe anca mi la co lori…….terzo grop, e par essar e 7 de matina sarie già un po’ massa!
Ok dai, Ciccio e Gimmy ghe vol massa a spetarli, co euforia salton su in macchina par vedar i primi pena pi sora, ma l’euforia me fa desmentegar Tommaso, che de sicuro avaronsi fat temp spetarlo….OPS scusa Tommy!
Do tornati pi sora son ancora parcheggiai, par rivedarli dopo un duro kiometro passà el ristoro! Le primo le già passa, ma fae in temp a vedar Tarzan & Co. che, nonstante l’ottima segnaletica, i iera drio saltar su sul sfalto. Mi, co na sicurezaa tipo guida alpina i fae tornar sua retta via!
Le el momento de Robert…..oh madonna, sacramento, varda che robe, varda che faccia stanca, varda che ross, gnanca sta istà a 30 gradi el iera cussì sudà…..o vede mal! Speron ben!
Temp de incitar ancora Nicola e salton ancora su in macchina, e mentre stavolta punton dritti a cima grappa, ghe fae presente ai me soci de viaggio che Robert me preoccupa non poco! Ma tra paesaggi incantevoli, vacche el pascolo, vedei che ciucia latte daa manda e un gregge che par crode, me perde via assando i brutti pensieri sui ultimi 3 tornanti!
Parcheggion in cima Grappa coa macchina che segna 9 gradi, ma co salton do, el vent in coppia coe nuvoe basse i prova farme credar che ghin sie qualche d’un de manco!
Se apposton al ristoro, sede del traguardo intermedio de cima Grappa, in fondo e scainae che dal rifugio Bassano porta all’ossario!
Ecco in lontananza el primo, e el coro dei alpini scumissia col “ pa parapa paraparaparapappapaaaaaaa, monte grappa tu sei la mia patria…..” a canzon del Grappa! Lu de gran carriera passa el tragurado e a fettuccina tricolore ghe se avvolge in vita e noa caie fin chel ciapa a stradian bianca!
Al stupore generae par el passo, se aggiunge qualche timida voce che sentenzia “ par mi el sciopa, nol riva primo a Semonzo”!
El secondo passa dopo 5 minuti boni, e dopo che Massimo Peizzer me dis che le Giovannelli, me torna in ment che la fat incetta de trail sti ultimi mesi, e me sorge qualche dubbio anca a mi!
A sto punto se avvion verso l’ossario par vedarli in saita e par strada incroson altri 5 super atleti, Cavarzan compreso!
Bon, se apposton insieme a Andrea Baestrin aa fine del 100 e vedon, immersi nel verde dea cresta, atleti curvi sua pendenza, in fia come formighe!
A uno a uno i riva e me incorde presto che e me preoccupazion su Robert se ha trasformà in realtà!
Ecco Nicola, 2 ore e spiccioli, sale facile sugli ultimi ripidi metri, do paroe veoci e o asse ndar!
Robert no riva, se presenta invece CarloBekeleZeroAllenamentiColla, o vede cussì fresc che ghe ose “dai Carlo, fa pure un po’ de fadiga”, ma a so ociada me fa capir come che gira e robe!
Riva Lorenz poc drio, o incite a ndar ciapar Carlo, in do se core meio! Le lu a darme a notizia che no voeve….”Robert le copà de crampi”….no , no ghe voeva!
Ecco Bettiope, coe SCARPA e co un sorriso che sconde i 1500 metri de dislivel!
Varda la, quel le Paolo a 200 metri daa vetta, “Dai dai Paolo Dai”, ma a vista de Thomas na 30ina de metri dadrio me fa pensar…….30 metri….i deve averse proprio scannà, par lottar 30 metri uno da chealtro. L’orologio me conferma e supposizion, 2 ore e 12 minuti circa!
A sto punto se presenta a scena che me cava el cor e me dona el quarto quinto sesto e settimo grop dea giornada. Robert le a 15 metri da a cima, col prova a far uno dei scain fatti par no sbrissar sul ripido sentiero, ghe se incioda na gamba, crampi, mi e uno che no conosse o ciamon par nome e provon darghe coraio, lu se stupisse ricordandose che le i primi crampi del 2012, ma par ben tre volte el prova ripartir senza esito! Sienzio generae, tutti vorrie ndar iutarlo. Forza de dai el riva a trovar sollievo su a piana prima dell’ossario! Co gran grinta nol demorde e el tira dret verso el luogo simbolo del trail! O asse ndar provando pensar se o vedarò classificà o no! Dai Robert, no moear!
Grande Tommy, sie sette minuti dopo Carlo, solche un per da Thomas…..scambion do considerazion e ghe dise de Robert, che le poc avanti…”magari se teo ciappi tre ghe dè na ,man”! Lu me assa el frontae e el riparte deciso!
A sto punto seguon un centinaio de passaggi provando a incitar e incoraggiar tutti, anca se no conosson gnessuni! Le bel vedar a gente contenta dei nostri “bravo, dai, forza, su”. Ghi ne adirittura gente che me varda come dir…..”cazzo, me incoraggitu si o no”!
Tornon ae macchine e fon ora vedar Ciccio Orsato al ristoro….do ciacoe anca co lu e dopo i avvertimenti de Massimo che me dis de ndar a Campo Solagna par Campo Croce, che par a Cadorna rischion de essar bloccai da na corsa ciclistica, se invion ae svelte!
E inidicazion no proprio precise de Massimo me fa sbalgiar strada e rivon a Campo Solagna giust dopo che le passà i primi do! I me dis che el primo le passà come un razzo, e dentro de mi son convinto che le sie ancora Zanatta, quel che ho sempre vist davanti!
Me cugina e me papà i va bear un caffè al bar, mi no, no vorie perdarme un passaggio! Coi torna fora son ancora la a spetar el terzo in classifica…….e dovon spetar un toc, finchè sul troi appare Cavarzan in coppia col marocchin. Me immagine se i rivarà mano nella mano sul podio….ma son poc fiducioso!
L’attesa tra uno e chealtro le davvero longa! Salaris, in evidente difficoltà, me domanda quanti km manca, ghe risponde sicuro che i e na diesina co un per de strappi impegnativi prima dea discesa finale….ma dentro de mi no son sicuro de quel che ghe ho dita!
Se apposton a farghe compagnia a quel dea protezion civie su un toc che i costeggia a strada, e le davvero lonc spetar che i rive, uno a volta!
Ecco Nicola, sempre sorridente e convinto, dopo de lu, distanzià de qulache bon minuto, passà Danilo dei Mercuryus che domanda “quanto distante è quello davanti?” Me papà suitto risponde “ Ah, dusento metri”…..”Però, pensavo di più” replica l’arancione! Me papà me varda e ridendo el me dis “le giusto darghe na speranza”!
Carlo e Lorenzo i passa quasi contandose barzeette! Poc dopo riconosse Pajaro, quel che ghe ho sbaruffà insieme in spogliatoio all’Asolo100, perché lu, terzo classificà, el voeva dir che Claudio iera montà su in macchina!
A un certo punto quel dea protezion civie, me fa “varda questo che mae che el ze ciapà, varda come el trà e gambe”, mi varde e ose “dai Bettio dai che vai bene cazzo”, dopo varde l’uomo in divisa gialla e o rassicure sul stile in discesa no proprio esemplare del nostro rappresentante!
Poc dopo riva Paolo, ghe dise che Bettio le poc davanti e lu me rassicura osando “Che stae ben cazzo, che stae ben”!
5 minuti e rivaThomas, me despiase par lu ma deve farghe el terzo grado, a Genny me ha ciamà perché provasse domandarghe e ciavi dea macchina, perché l’aveva assada Maser col finestrin spaeancà sotto el diluvio, lu me risponde de ndar domandarghee a so compare Paolo, senza pensar che no podeve de certo corarghe drio……..poc lucido pense!
Riva anca Robert, EROE, che me dis de aver e gambe spacioae, ma che nol sarie montà su sua scopa gnanca se i provava strrassinarlo dentro de forza! In realtà a scopa iera 15 km pi indrio ma no importa!
Se vardon sui occi co i me compagni e decidon de spetar Tommaso prima de ndar, ma Tommy no riva altro, tant che se invion verso a macchina! Scumissie preoccuparme de vedarlo ancheggir come l’anno scorso, ma lu me compare dai pin co na freschezza che me assa de stucco, el me parla de na crisi sui asoloni che ghe ha fat meditar el ritiro, ma che des el sta benon e el vol godsarse i ultimi 10 kiometri, le cussì content che fasendome un doppio passo par dimostrar a freschezza el rischia de schiantarse sul sfalto!
Ghe propone de assarme i bastonet, lu accetta, se saeudon e o vede partir content fa na pasqua……e se le content lu, mi son euforico!
Le tardi, anca qua, Ciccio e Gimmy dovrà passar dritti senza ciaparse el me incitamento!
Ok dai, ndon casa che el pranzo me spetta, pecà solche che a vista dea zona arrivo daa strada verso casa me regaea l’ultimo grop, ormai ho pers el conto……ma va ben cussì, no podeve sottrarme a a fameia oltre!
Sarie stat davvero a ciliegina sua torta vedar a me squadra uno par uno taiar el traguardo, ognuno coa so faccia a raccontar quant dur le stat sto trail sotto a piova e el brut temp! E me despiase altrottant no aver fate l pasta party a scoltar dal vivo cossa i e stati sti 46 km, cossa ghe ni ne stat de diverso daa prima edizion!
Sicuramente me son sparagnà na sbrancada de grop, ma quei che me son portà casa i basta e vanza!
A teefonada co Thomas ae do de pomeriggio me regaea a soddisfazion de l’ottima prestazion generae e me regaea a sorpresa del vincitore, Giovannelli ha recuperà el gap sui Asoloni e el ghe ha dat pi de un quarto d’ora a Zanatta!
E come pensave, e marocchin le rivà na branca de secondi davanti a Tarzan!
Cossa dir, no pensave davvero fosse cussì bel, cussì emozionante, cussì coinvolgente seguir a corsa da spettatore!
Asseme dir però che a prossima volta vui essar un ode quei in canottiera che ha calt, e no uno de quei imbotìi de vestiti e pieni de fret!
KROATOREPORTER
